أغار عليك && بقلم الشاعرة بُثيّنة المحمد

 أغار عليك

تعال القلب حيل الكْ مشتاق

وعليك الروح تسألني والأحداق

طيوفك ما تمر لا عطرك يفوح

حبيبي الروح ما تصبر عالفراق

أمس واليوم ما مريت بي ليش

عبالي حباب حنّا وعشقنا راق

لا واشي نخاف ولا حاسد نهاب

وهوانا صار للعشاق ترياق

تعال وخلني أضمك حيل يهواي

مثل ضم الشواطي لنهر رقراق

أغار عليك من كفي من الحروف

من سطري ونظر عيني والاوراق

قمر ليلي وعبيرك ينعش الروح

شسولف عن هواك ونار الأشواق

نهاري كله أناطر طيفك والدّروب

وداجي الليل يمطر جمر حراق

أذكَّركْ تضحك شفافي والعيون

وأشوفك مثل حلم عيون عشاق

خيالك عن جفوني أبد ما غاب

بكلبي ساكن وحيل الك مشتاق

قفلت عليك بضلوعي والاهداب

لأن غيرك أبد للقلب مارق

بقلمي 

 بُثيّنة المحمد